    Ai! laurie lantar lassi surinen,
    yeni unotime ve ramar aldaron!
    Yeni ve linte yuldar avanier
    mi oromardi lisse-miruvoreva
    Andune pella, Vardo tellumar
    nu luini yassen tintilar i eleni
    omaryo airetari-lirinen.

    Si man i yulma nin enquantuva?

    An si Tintalle Varda Oiolosseo
    ve fanyar maryat Elentari ortane
    ar ilye tier undulave lumbule
    ar sindanoriello caita mornie
    i falmalinnar imbe met,
    ar hisie untupa Calaciryo miri oiale.
    Si vanwa na, Romello vanwa, Valimar!

    Namarie! Nai hiruvalye Valimar!
    Nai elye hiruva! Namarie!

Vanda sina termaruva Elennanoreo alcar enyalien ar Elendil Vorondo voronwe. Nai
tiruvantes i harar mahalmassen mi Numen ar i Eru i or ilye mahalmar ea tennoio.


